ومن جديد كارثة جديدة تضاف لقاموس الاهمال المعتاد
ويبدو أيها السادة الكرام ان الشعب المصرى اعتاد على مثل هذه المواقف ويبدو أيضا ان المواطن المصرى تمنه انخفض مع تمن الجنيه
ويظهر كده والعلم عند الله ان القدر دايما سابق الحكومة بخطوة
فنسمع ان الحكومة كانت على وشك تسليمهم وحدات سكنية قبل وقوع الحادث مباشرة ويظهر انهم كانوا عاملينها مفاجأة للسكان وعشان كده محدش سمع عن تسليمهم اى وحدات ولا حتى السكان نفسهم وكأن أهل الدويقة أعدت لهم الوحدات السكنية الملفوفة بالأشرطة الحمراء فى سبيل إسعاد السكان .وطبعا يعلن السادة المسئولون عن أسفهم الشديد عن الحادثة مع التركيز على أن الحادثة ( قضاء وقدر ) ويظهر انهم نسوا يحطوا تنويه ان حتى جرائم القتل مقدرة فى علم الله سبحانه وتعالى
كل شئ مقدر ولا اعتراض الا حسبى الله ونعم الوكيل
وفى وسط زحمة الأسئلة التى أرهق السادة المسئولين من سماعها والمجهود الواضح فى تجاهلها نحب نسأل :هى الفلوس الذى ظهرت فجأة من أجل اغاثة اهل الدويقة كانت فين قبل كده؟
وبدون انتظار اجابة لن تأتى الا بعد 50 سنه من ارتكاب الجريمة فيبدو انها قد عادت من مكانها الطبيعى المقدر لأى اموال مصرية لتعود لأهلها محفوفة بدعاء أحدهم على حادث الدويقة وأهلها
وبردو نرجع نقول أهالى الدويقة غلطانين
غلطانين يا جماعه ليه عايشين فى الدويقة وراحت فين المعادى والزمالك وما إلى أخره من المجمعات السكنية الفاخرة ؟ لازم طبعا يتعاقبوا عن كونهم فقرا
انتا ازاى تكون فقير؟
ازااااى؟
ندعو الله لأهل الدويقة بالرحمة والمغفرة
لكم الله يا أهل الدويقة وكل سنه وانتى طيبة يا حكومة
رمضان كريم
هناك 3 تعليقات:
مبروك المدونة يا شوباب
عايز اسمع رايكم فى كارثة الدويقة فى جروب الفيس بوك بتاع برلمان الشعب المصرى
ازيكم يا شباب وربنا يلطف بينا
ويخفف عنا المحن
السلام عليك ورحمة الله وبركاتة
جزاك الله خير على التعليق عندى
ربنا يلطف بالشعب المصرى كلة
كل سنة وانتة بالصحة والسلامة
إرسال تعليق